A1 til Veka

Ja du las rett, A1 kjem til Meieriet laurdag 27. februar.

Denne laurdagen vert ein aldri så liten nostalgisk tur tilbake til 90-talet. Til pikerom med boybandplakatar, rosa dagbøker, knuste hjarter, kjekke gutar og foreldre som berre er heilt håplause. Det norsk-britiske boybandet A1 la inn årene i 2002, men har gjort eit veldokumentert comeback i år. Dei har i si hektiske karriere vunne Brit Award, og dei har toppa hitlistene over heile verda. Coverversjonen av A-Has “Take on Me” gjekk heilt til topps, medan orginalen i si tid berre gjekk til andre plass!

A1 vert noko av det mest spesielle som har gjesta Meieriet gjennom tidene. Dei tre gutane stiller med glimrande musikarar i bandet og dei plukkar berre frå øvste hylle når dei skal ut på konsert. Sogndal vert arena for ein av dei få konsertane gutane kjem til å gjere. Dette er ein jobb utelukkande for Sogndal. Det er ikkje tvil om at dette bandet kjem til å gjere stor furore atter ei gong.

Fyrstkomande laurdag deltek dei på Grand Prix som ein av dei store favorittane.

Billettane vert lagt ut måndag kl 12:00

Live frå Party in the Park – Take on me

Kjøp billettar her

A1 på Facebook